الأربعاء , ديسمبر 2 2020

حواديت تأبى النسيان .. مقتنيات شهداء بحر البقر تبحث عن مكان أفضل.

حواديت تأبى النسيان .. مقتنيات شهداء بحر البقر تبحث عن مكان أفضل.

بعد يوم عمل شاق التقى السيد عبد الرحمن مع صديق عمره محمد عبد الستار، وتوجها سويًا إلى المكان الذي دائمًا ما يجتمعا فيه ليستعيدا ذكرياتهما، ويقرآن الفاتحة لأصدقائهما الذين استشهدوا قبل 50 عامًا، ذلك المكان هو مدرسة بحر البقر الابتدائية، والذى وضعت فيه مقتنيات ومتعلقات ضحايا مجزرة بحر البقر، في انتظار أن تجد مكانًا أفضل لتستقر فيه، ويرأها العالم كله.
christian-dogma.comمدرسة بحر البقر الجديدة
وعلى بعد 160 كم من محافظة القاهرة تقع قرية بحر البقر التابعة لمركز الحسينية بمحافظة الشرقية، وتضم القرية ما تبقى من ذكرى الحادث، سواء النصب التذكارى الذى أقيم في المكان الذى شهد القصف، أو المدرسة الجديدة التي يضم أحد فصولها بقايا متعلقات الأطفال، من ملابس وألعاب وكراريس وتخت وصور توثق ما حدث يوم 8 إبريل من عام 1970.
christian-dogma.comالمقتنيات فى الفصل
انتقل "اليوم السابع" في رحلة سفر شاقة إلى "بحر البقر" ليلتقي هناك بالسيد عبد الرحمن وصديقه محمد عبد الستار، وآخرين من أهالى القرية، ومن بينهم الحاجة نبيلة والدة الشهيد "ممدوح الصادق"، والذين عبروا عن رغبتهم في أن توضع مقتنيات ومتعلقات الأطفال من ضحايا الحادث في مكان أفضل، ربما متحف مستقل يحفظها، وتكون متاحة لأن يراها العالم كله، باعتبارها جزء مهم من تاريخ مصر.
christian-dogma.comوالدة الشهيد ممدوح الصادق
"نفسى يتعمل متحف تتحط فيها حاجات ابنى" تقول الحاجة نبيلة والدة الشهيد ممدوح الصادق: "ليه ما يبقاش في مكان مستقل تتحط فيه حاجات الشهداء وتحافظ عليها، وكل إلى بقى من أبني شنطته ومداسه وشوية هدوم مقطعين، الله يرحمه كان نفسه يطلع ظابط علشان يطخ الطيارات، لكن الطيارات هي اللى قضت على حلمه قبل ما يوصله".
وعن يوم استشهاد "ممدوح" تقول الحاجة نبيلة: "فوجئت باثنين جايبين ابنى في حجرهم متقطع جسمه في حته ورجله في حتة تانية، وحطوه قدامى، الضربة شالت نص رأسه، وأنا عمرى ما نسيته، ودائمًا بحكي لأحفادي عن عمهم إلى استشهد واجمعهم حواليا علشان يفضل عايش معاهم".
christian-dogma.comمحمد عبد الستار
محمد عبد الستار رجل في أواخر الخمسينيات من عمره، وصديق لشهداء المجزرة، يقول: "لازم يكون في مكان مستقل ومتحف يجيله زياراته من العالم كله، ويكون متطور عن كده، هو طبعًا كده مش وحش الأول كانت الحاجات دي مرمية في كراتين، ولكن ده جزء مهم من تاريخ البلد، لأزم نحفظه، ونورثه للأجيال إلى جاية، يعرفوا يشوفوا إلى حصل في بحر البقر".
christian-dogma.comالسيد عبد الرحمن
ويعود "عبد الستار"، بذاكرته للوراء ليحكي ما حدث يوم 8 إبريل عام 1970: " كان في أسى وحزن الناس بتجري إلى بيدور على ابنه والى مش لاقيه، والاسعافات رايحة وجاية وإلى طلع على المستشفى كان منظر دموي بشع، الحاجة أم عماد خدت ابنها في حجرها أشلاء جثة".
christian-dogma.comمقتنيات الشهداء
السيد عبد الرحمن أحد الطلاب الناجين من مجزرة بحر البقر يقول: "أنا أصبت في رأسي وفى وشى ورجلي القصف لما نزل جاب التخت على بعضيها، وأنا لحسن حظى قبل القصف بثوان وقع مني قلم رصاص تحت التختة، نزلت أجيبه حصل القصف، وده اللى أنقذني".
christian-dogma.comمقتنيات
ويقول "عبد الرحمن": "لازم يكون في مكان أفضل لأزم تتنقل ليه متعلقات الأطفال وحاجاتهم، مكان يحافظ عليها، ليه ما يكونش في بانوراما زي "بانوراما 6 أكتوبر"، يبقى باسم "بانوراما بحر البقر"، تشرح اللى حصل مع الأطفال دول، ويزورها طلاب المدارس والجامعات في مصر والوطن العربي والعالم كله، هتبقى حاجة مشرفة".
christian-dogma.comالعاب الاطفال

هذا الخبر منقول من : اليوم السابع

موضوع مثبت