الأربعاء , أكتوبر 21 2020

الفنان أكرم حسني .. يتهم حمو بيكا بالسرقة

الفنان أكرم حسني .. يتهم حمو بيكا بالسرقة

نشر الفنان اكرم حسنى تعليقا عبر صفحته على موقع التواصل الاجتماعى فيسبوك يعلن فيه عن رفع دعوى قضائية ضد كل من حمو بيكا وصناع مهرجان "هلا والله" بتهمة سرقة لحن أغنية "بالباقي لبان" الأغنية الرسمية لمسلسل "رجالة البيت".‏
وقال أكرم حسنى : "الحقيقة دي مش أول مرة أتعرض فيها لسرقة شغلي بس الموضوع وصل لحد ما يتسكتش عليه، أنا مش ضد اي ‏شكل من الأشكال الفنية طالما بتتقدم في إطار من الاحترام للمهنة وللمجتمع لكن أنا ضد كل اشكال التعدي علي حقوق الملكية الفكرية ‏وسرقة مجهود و تعب ناس قعدت كتير اوي تشتغل".‏
واضاف اكرم قائلا : "عملت أغنية دعائية لمسلسلي الأخير في رمضان اللي فات اسمها، " بالباقي لبان " من كلماتي ولحن بلال سرور وتوزيع ‏كينج، واتفاجئت من يومين إن تم سرقة لحن الاغنية و اتعمل عليها مهرجانين واحد اسمه " هلا و الله " و واحد اسمه " خد فطيرك ‏‏"، و دي مش اول اول مرة ابقي عامل اغاني سواء من الحاني او من الحان زمايلي المحترمين اللي بتعامل معاهم و يتسرق اللحن و ‏يتعمل بيه اغاني و دي " سرقة " صريحة تستوجب اتخاذ إجراءات قانونية".‏
وأوضح حسنى قائلا: ويتم حاليا اتخاذ كافة الاجراءات القانونية اللي تحفظ حقي و حق زملائي الملحنين ضد اللي سرقوا ‏الاغنية لوقف المهزلة دي و بتوجه للنقيب المحترم الفنان / هاني شاكر نقيب المهن الموسيقية بشكوي ضد من تعدوا علي اللحن ‏الاصلي للاغنية و باتمني يكون في قرارات صارمة لعدم تكرار ده".‏

نقلا عن صدي البلد
اشتراك في قناه جون المصرى | Youtube

نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري youtubeurl